Mjeku shqiptar rrëfehet për herë të parë: Prej 2003, s'kam asnjë kontakt me djalin tim (VIDEO)

Mjeku shqiptar, Edi Tushe ka folur me shumë ndjeshmëri për jetën e tij personale dhe rastin me të birin. Tushe ka rrëfyer se prej vitit 2003 nuk ka asnjë komunikim me djalin e tij, nga martesa e parë, i cili jeton në Kanada. “Jam përpjekur të lidhem edhe me njerëzit e ish-bashkëshortes sime, sepse kam një marrëdhënie të mirë me ta. Ai është në Kanada. Nuk është e lehtë t’i shpëtosh një indoktrinimi të caktuar. Të gjithë ata që ikën bashkë me djalin tim atje, i kanë prerë të gjitha marrëdhëniet me Shqipërinë,” – u shpreh Tushe. Pediatri tregoi se i biri, Idliri, dikur kishte shprehur dëshirën për të ndjekur rrugën e tij profesionale. “Im bir e pa në Tiranë se sa e donim ne. Ka dhe një foto nga zyra ime dhe aty mori dëshirën për të vazhduar mjekësinë,” tha ai, duke shtuar se nuk di ta shpjegojë arsyen e shkëputjes. Në fund të intervistës, Tushe përcolli një mesazh prekës për të birin: “Ai është djali im. Do doja ta kisha në krahë dhe të jetë i lumtur, i arrirë në jetë, t’i ketë realizuar ëndrrat e tij. Kjo do ishte e vetmja gjë që do të doja për të. Unë vetë kam vuajtur, dhe vuajtjet e bëjnë njeriun më të butë, më të ëmbël – por ndonjëherë edhe më të ashpër. Varet se si e sheh jetën”, raporton TCH. https://www.youtube.com/watch?v=DMjomuiYaRI