Një gjykatë në Norvegji ka dënuar një mjek me 21 vjet burg për përdhunimin dhe abuzimin seksual të dhjetëra grave, në një rast që ka tronditur vendin skandinav.
Ish-mjeku i përgjithshëm Arne Bye është dënuar për 70 akuza për përdhunim dhe sulm seksual. Ai u dënua gjithashtu për 82 akuza për abuzim me pozicionin e tij si mjek, raportojnë mediat norvegjeze.
Pothuajse të gjitha veprat penale ndodhën gjatë ekzaminimeve mjekësore që Bye u kryente pacientëve të tij ndërsa punonte si mjek në qytetin e vogël të Frostës - një komunitet i vogël me më pak se 3,000 banorë, pranë Trondheimit në bregdetin perëndimor të Norvegjisë.
Bye u ndalua gjithashtu të ushtronte punën si mjekë dhe u urdhërua të paguante kompensim.
Gjykata kishte diskutuar mbi një aktakuzë të gjatë, e cila përfshinte akuza që shtriheshin në gati dy dekada në lidhje me 94 gra, sipas mediave norvegjeze.
Bye u deklarua fajtor për disa nga krimet dhe u lirua gjithashtu nga një numër akuzash, shkruan BBC, transmeton Klankosova.tv.
●●●
LGSHKRIMI NGA
L. Ga.
Editorial nga Klan Kosova — ndjek lajme dhe zhvillimet e tjera kryesore të vendit.
