Mjeku këshillon përfshirjen e këtyre ushqimeve në dietë për një shëndet më të mirë të zorrëve

Një dietë e shëndetshëm është e rëndësishme për mirëqenien e përgjithshme dhe ushqimi që konsumojmë ndikon jo vetëm në formën e trupit tonë, por edhe në mikrobiomet tona të brendshme dhe sistemin imunitar. Mjeku, epidemiologu dhe specialisti i shëndetit të zorrëve, Tim Spector, ka folur për tre parimet që ai mban parasysh kur përgatit një vakt për t'u siguruar që po kujdeset për zorrët e tij. Shtimi i shumë polifenoleve Spector thotë se janë polifenolet, një lloj kimikati mbrojtës në bimë që u jep atyre ngjyrën e tyre të ndritshme dhe shijen e hidhur. Përveç mbrojtjes së bimëve, polifenolet ushqejnë bakteret tona të mira të zorrëve dhe kufizojnë rritjen e baktereve të këqija, raporton Index.hr, transmeton Klankosova.tv. Ushqimet që përmbajnë polifenole përfshijnë: Fruta me kokrra të kuqe kakao pluhur erëza arra dhe fara ullinj dhe vaj ulliri fasule perimet, veçanërisht angjinaret, qepët e kuqe, radikio dhe spinaqi produkte soje, të tilla si mielli i sojës, kosi i sojës, tofu dhe qumështi i sojës. Marrja e mjaftueshme e fibrave Sipas profesor Spector, më shumë se 90 për qind e të rriturve në Mbretërinë e Bashkuar nuk marrin fibra të mjaftueshme. Ai rekomandon të hani arra, fara, drithëra, bishtajore, fasule, fruta dhe perime për të rritur marrjen e fibrave. Përfshirja e ushqimit të fermentuar në dietë Epidemiologu thotë se truku me ushqimet e fermentuara është të hash pak dhe shpesh. Për të, kjo nënkupton përzierjen e kefirit në salcat e sallatave, shtimin e lakrës turshi, sallatave, etj. Ai shtoi se një studim i vitit 2021 zbuloi se përfshirja e ushqimeve të fermentuara mund të rrisë diversitetin e mikrobiomës së zorrëve. Duke ndjekur këto parime, ne do të përfshijmë shumë bimë të ndryshme në dietën tonë dhe do të përmirësojmë shëndetin e zorrëve.