Prokuroria Speciale e Kosovës, ka ngritur aktakuzë në Gjykatën Themelore në Prishtinë – Departamentin Special ndaj të pandehurve B.A., me profesional mjek në QKUK, për shkak të dyshimit të bazuar mirë se ka kryer veprën penale “Falsifikimi i dokumentit zyrtar”, dhe ndaj të pandehurit B.D., për shkak të veprës penale “Legalizimi i përmbajtjes së rreme”.
Sipas prokurorisë, hetimet kanë vërtetuar se i pandehuri B.A., ka falsifikuar dokumentet zyrtare të QKUK-së, për dobi të të pandehurit B.D., kurse i pandehuri B.D., akuzohet se dokumentet me përmbajtje të rreme i ka dorëzuar në gjykatë, transmeton Klankosova.tv.
“Kjo çështje penale tashmë i ka kaluar në kompetencë Departamentit Special të Gjykatës Themelore në Prishtinë për procedurë të mëtutjeshme”, thuhet në njoftimin e prokurorisë.
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
