Mjekët janë pranë një testi për fëmijë që paralajmëron rrezikshmërinë nga obeziteti

Mjekët së shpejti mund t'u japin foshnjave një rezultat të rrezikshmërisë potenciale nga obeziteti, në sajë të një prove gjenetike të zhvilluar rishtazi. Rreth dy të tretat e amerikanëve janë në mbipeshë ose të trashë dhe shkencëtarët kanë njohur që ADN-ja dhe stili i jetës përcaktojnë se kush do të arrijë një peshë të tillë, njofton Klan Kosova. Tani, hulumtuesit në Universitetin e Harvardit kanë identifikuar shënuesit gjenetik të zbulueshëm duke përdorur një test ADN me vlerë prej 50 dollarësh, që mund të ndihmojë mjekët të parashikojnë se cilët njerëz mund të vuajnë nga obeziteti. Testi nuk mund të sigurojë siguri të plotë, por 2.1 milion variantet gjenetike që përdor, mund t'u japin familjeve një paralajmërim të hershëm se fëmijët e tyre duhet të qëndrojnë aktivë dhe të hanë mirë për të minimizuar rreziqet e trashëguara të trashje. Dhe autorët e studimit thonë se një test i ngjashëm mund një ditë të parashikojë kushte të tjera komplekse si sëmundjet e zemrës.