Mitrovicë e Veriut, arrestohet pasi e goditi me grusht taksistin dhe nuk ia dha paratë

Policia në Mitrovicën e Veriut e ka arrestuar të shtunën një person pasi e kishte goditur një shofer taksie. Në njoftimin e lëshuar thuhet se rasti ka ndodhur derisa viktima një shofer taksie, kryente shërbimin si taksi, ku i dyshuari, nuk ia kishte paguar shërbimin dhe pasi e kishte goditur me grusht në fytyrë ishte larguar në drejtim të panjohur. Taksisti ka pranuar trajtim mjekësor. "Si rezultat i hetimeve të zhvilluara nga Sektori i Hetimeve në kuadër të Stacionit Policor Mitrovicës Veri, është identifikuar dhe arrestuar i dyshuari, (N.M), 28 vjeç. Arrestimi është kryer mbi bazë të dyshimeve të arsyeshme dhe provave të siguruara që e lidhin të dyshuarin me rastin e raportuar". "Të gjitha veprimet e ndërmarra i janë paraqitur prokurorit të rastit, rasti është iniciuar si 'Lëndim i lehte trupor' dhe 'Asgjësim apo dëmtim i pasurisë', pas intervistimit, me vendim të prokurorit i dyshuari është liruar, ndërsa rasti procedohet në procedurë të rregullt", thuhet në njoftim. Mbrëmë në Prishtinë një taksist është plagosur me armë zjarri nga një person tjetër. /Klankosova.tv