Miranda Kerr tregon barkun e fryrë me një fustan 2500 dollarësh

A po bëhet Miranda Kerr nënë e një vajze? Supermodelja 35 vjeçare është shtatzënë me fëmiun e saj të dytë me bashkëshortin Evan Spiegel. Ajo e ka bërë të ditur këtë lajm duke treguar barkun e fryrë në një ngjarje në Gjermani gjatë vikendit ku ajo e ka marrë çmimin “Beauty Idol” për punën e saj në linjën e produkteve natyrale të bukurisë Kora Organics. Kerr kishte zgjedhur një fustan të gjatë ngjyrë rozë të Alex Perry që kushton hiç më pak se 2540 dollarë, transmeton Klan Kosova. Shumë shpejt fansat hamendësuan se ngjyra që modelja e kishte zgjedhur për fustanin në këtë ngjarje tregon edhe për gjininë e foshnjes në ardhje. Megjithatë një gjë e tillë nuk është konfirmuar akoma. Foshnja do të jetë fëmiu i tretë për engjëllin e “Victoria’s Secret” – ajo dhe bashkëshorti i saj janë bërë prindër të djalit Hart në muajin maj të vitit të kaluar derisa ajo e ka edhe djalin Flynn (8) me ish të dashurin Orlando Bloom.