Minxhozi: Nexhmije Pagarusha, legjendë e këngës shqiptare

Ambasadori i Shqipërisë në Kosovë, Qemal Minxhozi, ka uruar këngëtaren e njohur të muzikës shqipe Nexhmije Pagarusha me rastin e 84 vjetorit të lindjes. Dedikimin e tij me rastin e ditëlindjes së bilbilit të këngës shqipe, Minxhozi e shoqëroi me një fotografi të përbashkët ku shihet se këngëtares i janë dhuruar dhe një tufë lulesh, njofton Klan Kosova. ''Gëzuar ditën e lindjes e madhërishmja Nexhmije Pagarusha. Legjendë e këngës shqiptare. Një zë unik, i ngrohtë dhe i dashur për të gjithë hapësirën shqiptare. Një tufë lule në shenjë respekti pakufi''.