Ministria e Kulturës ndan çmimet për trashëgiminë kulturore

Ministria e Kulturës, Rinisë dhe Sportit  ka ndarë  çmimet në fushën e trashëgimisë kulturore. Çmimin në fushën e trashëgimisë kulturore për vepër jetësore “Dea Daranica” e ka marrë Jusuf Osmani, atë për merita të veçanta “Shtjefën Gjeçovi” e mori Shemsi Krasniqi. Çmimin për menaxhim institucional “Muhamed Shukriu” e mori Milot Berisha dhe atë për vepër shkencore “Zef Mirdita” e mori Gjon Berisha, njofton Klan Kosova. Ministri i Kulturës, Rinisë dhe Sportit, Kujtim Gashi, ka thënë se këto çmime ndahen që të motivohet puna e vazhdueshme e artistëve. “Jemi të vetëdijshëm që puna e juaj nuk shpaguhet, por është një akt i joni, ne ju mbështesim”.

klankosova.tv