Ministria e Ekonimisë: Rekord investimesh në efiçencë të energjisë gjatë tri viteve të fundit

Ministria e Ekonomisë ka dalë me një njofim, ku thotë se ka rekord të investimeve në efiçencë të energjisë gjatë tri viteve të fundit. Sipas ministrisë, në Ferizaj janë investuar 800 mijë euro, duke renovuar katër ndërtesa publike, dy nga Ministria e Ekonomisë, përmes granteve dhe dy të tjera nga Fondi i Kosovës për Efiçeincë të Energjisë përmes skemës kthyese për financimin e projekteve komunale. Investimet e realizuara janë:

• Termoizolimi i mbështjellësit;
• Termoizolimi i kulmit;
• Ndërrimin e dyerve dhe dritareve;
• Renovimin e ndriçimit;
• Automatizimin e sistemit të ngrohjes/ftohjes;
• Renovimin e rrjetit të ngrohjes;
• Instalimin e kaldajave me biomasë;
• Instalimin e kolektorëve solar.

“Këto investime janë një shembull i përkushtimit tonë për një Kosovë të qëndrueshme. Falënderojmë të gjitha institucionet qendrore e lokale për angazhimin, bashkëpunimin, e vetëdijesimin gjithnjë më të lartë për efiçencën e energjisë”, thuhet në njoftim.