Lajmet e fundit
Ministri italian i Kulturës, Gennaro Snagiuliano dha dorëheqjen të premten pasi një polemikë mbi një rol konsulence për ish-dashnoren e tij ishte bërë siklet për qeverinë e kryeministres, Giorgia Meloni.
Sangiuliano, një ish-gazetar 62-vjeçar, ishte përballur me një stuhi mediatike që kur Maria Rosaria Boccia, një sipërmarrëse e vetëshpallur e modës, tha muajin e kaluar se ajo ishte emëruar "këshilltare e ministrit për ngjarjet kryesore", raporton The Guardian, transmeton Klankosova.tv.
Ministria e Kulturës fillimisht e mohoi një emërim të tillë, por Sangiuliano më vonë shpjegoi se kishte pranuar ta merrte atë si një konsulente të papaguar përpara se të ndryshonte mendje për shkak të konfliktit të interesit.
“Unë e konsideroj të nevojshme që institucionet dhe për veten time të dorëzoj dorëheqjen time”, tha Sangiuliano në letrën e së premtes drejtuar kryeministres, duke mbrojtur të dhënat e tij dhe duke mohuar çdo shkelje të rregullave ministrore.
Në një intervistë të përlotur të mërkurën, Sangiuliano pranoi se Boccia kishte qenë e dashura e tij, i kërkoi falje gruas së tij dhe Melonit dhe tha se kryeministrja kishte refuzuar ofertën e tij të parë për të dhënë dorëheqjen.
