Lajmet e fundit
Ministri i Jashtëm izraelit, Israel Katz, hodhi poshtë të enjten propozimet për një armëpushim me Hezbollahun, pasi Shtetet e Bashkuara dhe Franca kërkuan një ndërprerje 21-ditore të luftimeve që kanë vrarë qindra njerëz në Liban dhe kanë ngritur frikën për një pushtim tokësor.
"Nuk do të ketë armëpushim në veri. Ne do të vazhdojmë të luftojmë kundër organizatës terroriste Hezbollah me të gjitha forcat tona deri në fitore dhe kthimin e sigurt të banorëve të veriut në shtëpitë e tyre," tha Katz në një deklaratë në X, transmeton Klankosova.tv.
Komentet rrëzuan shpresat për një zgjidhje të shpejtë paqësore, pasi kryeministri Najib Mikati kishte shprehur shpresën se një armëpushim mund të arrihet së shpejti në Liban, ku qindra mijëra njerëz kanë ikur nga shtëpitë e tyre duke kërkuar siguri.
Luftimet më të ashpra në gati dy dekada mes Izraelit dhe grupit Hezbollah të mbështetur nga Irani, kanë ngritur frikën për një ofensivë të re tokësore izraelite përgjatë kufirit libanezo-izraelit.
