Ministri i Jashtëm francez tregon arsyet se pse Franca do ta njihte Palestinën si shtet

Ministri i Jashtëm francez, Jean-Noel Barrot, nuk tha në mënyrë të qartë se kur Franca do ta njihte shtetin e Palestinës. Por ai tha se një konferencë e ardhshme e OKB-së, e bashkëorganizuar nga Franca dhe Arabia Saudite, do t'u lejonte vendeve “të merrnin angazhime për të hequr të gjitha pengesat në rrugën drejt krijimit – madje edhe ekzistencës – së një shteti palestinez”. Barrot u pyet nëse Franca do ta njihte vetë një shtet palestinez – edhe nëse asnjë vend tjetër nuk do ta ndiqte shembullin – gjatë konferencës së OKB-së. “Ky nuk është opsioni që po shqyrtoj”, u përgjigj ai. “Franca mund të kishte marrë një vendim simbolik. Kjo nuk është zgjedhja që bëmë sepse kemi një përgjegjësi të veçantë”, tha ai në një intervistë për median franceze RTL. “Nëse e bëjmë këtë, është për të ndryshuar gjërat dhe për ta bërë atë në mënyrë që ekzistenca e këtij shteti palestinez të jetë sa më e besueshme të jetë e mundur”, shkruan Al-Jazeera, transmeton Klankosova.tv.