Ministrat e Jashtëm të NATO-s takohen sot në Bruksel

Ministrat e Jashtëm të NATO-s do të takohen në Bruksel të enjten dhe të premten për të vazhduar planifikimin për Samitin e ardhshëm në Hagë dhe për të diskutuar çështje urgjente të sigurisë. Duke iu drejtuar mediave një ditë më parë, shefi i Aleancës Veri-Atlantike, Mark Rutte theksoi rritjen e investimeve në mbrojtje si një pikë kyçe të agjendës dhe kritike për suksesin e ardhshëm të Aleancës. “Ne do të fokusohemi në forcimin e mbrojtjes sonë kolektive”, tha ai dhe shtoi se ky “është themeli mbi të cilin u ndërtua NATO dhe mbetet prioriteti ynë numër një”. Rutte mes tjerash foli edhe për rëndësinë e sigurisë në Ballkanin Perëndimor duke përmendur vetë trupat e NATO-s që ndodhe në Kosovë dhe Bosnje dhe Hercegovinë. “Sigurisht që stabiliteti dhe situata në Ballkanin Perëndimor janë një preokupim i madh, prandaj NATO është e pranishme si në Kosovë ashtu edhe në Bosnje dhe Hercegovinë”, ka thënë Rutte sot në konferencë për media. https://klankosova.tv/rutte-siguria-ne-ballkan-preokupim-i-madh-prandaj-nato-eshte-e-pranishme-ne-kosove-dhe-bosnje/ Shefi i NATO-s gjithashtu pranoi se kërcënimet globale po krijojnë një botë më të rrezikshme. “Përballë këtyre dhe sfidave të tjera, ne duhet të ndërtojmë një NATO më të fortë, më të drejtë dhe më vdekjeprurëse,” pohoi ai, duke vazhduar të vlerësojë partnerët e aleancës ushtarake për kontributet thelbësore për sigurinë tonë të përbashkët. Ai potencoi se ministrat e NATO-s do të takohen me partnerët Indo-Paqësor të enjten pasdite, me Ministrin e Jashtëm të Ukrainës Andrii Sybiha dhe kryediplomaten evropiane, Kaja Kallas në Këshillin NATO-Ukrainë të enjten në mbrëmje si dhe në një sesion me Përfaqësuesen e Lartë të BE-së të premten. https://klankosova.tv/rutte-nuk-e-komenton-marreveshjen-mes-kosoves-shqiperise-dhe-kroacise-thote-se-nuk-ka-te-beje-me-nato-n-1/