Miliarderi Bezos shpërngulet në Miami për të qenë afër prindërve të tij

Themeluesi i Amazon-it, Jeff Bezos, njoftoi të enjten se po lëvizte nga Seattle, shtëpia e kompanisë së tij të tregtisë elektronike, në Miami, për të qenë më afër prindërve të tij. Bezos, i cili u largua nga drejtimi i Amazon si CEO në vitin 2021, tha se me prindërit e tij duke u zhvendosur në Miami dhe kompaninë e tij të biznesit hapësinor Blue Origin duke bërë më shumë punë në Cape Canaveral, Fla., lëvizja kishte kuptim. Ai u diplomua nga shkolla e mesme në Miami kur prindërit e tij jetonin më parë atje, tha miliarderi i teknologjisë. “Seattle ka qenë shtëpia ime që nga viti 1994 kur nisa Amazon-in nga garazhi im”, tha Bezos në një mesazh në Instagram me një video të shkurtër të tij në zyrën e parë të filmuar nga babai i tij. "Prindërit e mi kanë qenë gjithmonë mbështetësit më të mëdhenj. Ata kohët e fundit u kthyen në Miami, vendi ku jetuam kur isha më i ri. "Unë dua të jem pranë prindërve të mi, dhe Lauren dhe mua na pëlqen Miami. Gjithashtu, operacionet e Blue Origin po zhvendosen gjithnjë e më shumë në Kepin Canaveral. Për të gjitha këto, unë po planifikoj të kthehem në Miami, duke lënë Paqësorin Veriperëndimor". Me një pasuri neto prej 161 miliardë dollarësh, Bezos është njeriu i dytë më i pasur në botë pas Elon Musk të Teslës, sipas revistës Forbes.