Lajmet e fundit
Biletat për të parë ndeshjen Milan-Atalanta, janë shitur të gjitha, derisa raportohet se kishte mbi 200 mijë kërkesa për të ndjekur ndeshjen.
Milani do të luajë ndeshjen e tyre të fundit në shtëpi këtë sezon kundër Atalantës dhe sipas Gazzetta-s, mbi 200,000 tifozë donin ta shikonin ndeshjen në "San Siro" këtë fundjavë.
Sigurisht, klubi nuk mundi të plotësonte nevojat e të gjithë mbështetësve të tyre dhe stadiumi do të shitet, me gati 75,000 tifozë që priten të jenë në "San Siro", transmeton Klankosova.tv.
Ndeshja do të zhvillohet të dielën, me fillim nga ora 18:00
Drejtori ekzekutiv i klubit, Ivan Gazidis, tha dje se më shumë se 1,000,000 tifozë i ndoqën ndeshjet e Milanit në stadium këtë sezon.
Kuqezinjtë janë liderët e Serisë A me dy pikë epërsi ndaj Interit të vendit të dytë, me vetëm dy ndeshje të mbetura.
Falë rekordit të tyre më të mirë ballë për ballë, ata mund të bëhen kampionë të Serisë A për herë të parë në 11 vjet nëse grumbullojnë katër pikë në dy ndeshjet e fundit të sezonit.
Milani do të luajë ndeshjen e fundit të sezonit ndaj Sassuolos.
