Mikullovci: Po e lëshoj perden dhe po i fiku dritat - Teatri jonë Leze, u mbyll

Aktori i njohur Adem Mikullovci ka bërë një dedikim shumë emocional për miken e tij Leze Qena e cila ndërroi jetë gjatë ditës së djeshme. Mikullovci, që ka luajtur shumë role përkrah Qenës, ka kujtuar takimin e fundit që ka pasë me të. Ai tha se mes të qeshurave kanë folur se kush nga ata të dy do t’i bashkohet i pari aktorit tjetër të njohur dhe bashkëshortit të Lezes, Xhevat Qenës – që ka ndërruar jetë vite më parë. “Po e lëshoj perden, dhe po i fiku dritat....Teatri i jonë Leze-u mbyll”, ka shkruar Mikullovci në shkrimin e tij shumë prekës. Postimi i plotë i Adem Mikullovcit në Facebook: ELIZABETE- Më shkove edhe ti..! A të kujtohet Leze kur ndejtëm bashk herën e fundit qesheshim me fatin që ne të dy mbetëm Mohikanët e fundit dhe pyeteshim se a thua cili nga ne do të shkon i pari te Xhevati: Une thash:"Leze unë do të shkoj para teje"...Ti ma kape veshin dhe më bêrtite:"Përkundrazi unë shkoj para teje,mua më ka grua e ty vetëm shok".. Dhe ja ! Ashtu edhe ndodhi Elizabett.. Mua më latë të fundit dhe unë s'kam qare pa ardhë te ju. Po e lëshoj perden, dhe po i fiku dritat.... Teatri i jonë Leze -u mbyll. https://www.youtube.com/watch?v=nvI9GRhHAtQ https://www.dailymotion.com/video/xh4b8n?fbclid=IwAR0pz6lYtC_lAjSBUe7jAZyFgCqwbJmAYjnd_140NK84l78cRkhoFSzQslA