Mijëra afganë në mesin e atyre që ikin nga Irani

Mijëra afganë janë në mesin e atyre personave që po ikin nga Irani. Safiullah, një 24-vjeçar nga Kabuli i cili kishte jetuar në Isfahan për dy muajt e fundit ka thënë se ka pritur tri ditë për të marrë një biletë për t'u kthyer në Afganistan. “Çmimet e biletave janë tre herë më të larta tani dhe shumë e vështirë për të marrë një të tillë”, është shprehur ai. Ai gjithashtu foli edhe për vendimin e tij për t’u larguar, shkruan BBC, transmeton Klankosova.tv. "Kur pashë situatën, vendosa të largohem”, është shprehur tutje 24-vjeçari. Ndërkaq, një person tjetër me emrin Mehran, 35-vjeçar i cili kishte punuar në ndërtim në Iran për shumë vite foli për largimin e njerëzve nga atje. Ai tha se pa iranianë që përpiqeshin të largoheshin nga qytetet për në zonat rurale, duke shtuar se "çmimi i ushqimit dhe gjithçkaje tjetër ishte rritur ndjeshëm. Ishte e vështirë të gjeje bukë në furrë”. "Punoja në tre projekte ndërtimi, të gjitha u larguan pas sulmit. Vendosa të largohesha nga vendi”, ka thënë ai.