Michel: Shqipëria ka plotësuar çdo kusht për hapjen e negociatave (VIDEO)

Presidenti i Këshillit Europian, Charles Michel në konferencën e përbashkët për shtyp me kryeministrin shqiptar Edi Rama tha se Shqipëria i ka plotësuar të gjitha kushtet për hapjen e negociatave për anëtarësim në Bashkimin Europian. Procesit të integrimit i duhen dhënë energji të reja përmes reformave, tha kreu i KE, në mënyrë që ai të përshpejtohet, pa pritur që të gjitha kushtet të plotësohen.

“Duhet t’i japim energji të reja procesit të integrimit për të krijuar stimuj të rinj për reforma dhe për të përshpejtuar procesin e integrimit. Po punojmë që të japim rezultate konkrete. Po bëjmë përshpejtimin e integrimit. Shqipëria i ka plotësuar të gjitha kushtet për hapjen e negociatave për anëtarësim dhe bisedimet duhet të nisin sa më shpejt”, tha Michel, njofton Euronews, transmeton Klankosova.tv.

Ndryshe, Michel u prit sot me ceremoni shtetërore nga kryeministri Rama.