Mexhiti viziton Preshevën, me Sinanin flasin për hapjen e vendkalimit kufitar Mirato-Llojan

Kryetarja e Preshevës, Ardita Sinani, ka pritur në takim zëvendëskryeministrin për Çështje Evropiane të Maqedonisë së Veriut, Izet Mexhitin. Sinani tha se me Mexhitin folën për rritjen e bashkëpunimit ndërkufitar dhe zhvillimin ekonomik të zonës, me theks përfshirjen e investitorëve nga Maqedonia e Veriut. “Diskutuam gjithashtu për hapjen e vendkalimit kufitar Miratoc–Llojan, si një hap strategjik që do të lehtësonte qarkullimin e lirë të njerëzve dhe mallrave dhe do të sillte përfitime konkrete për qytetarët tanë”. “Në qendër të vëmendjes ishte edhe arsimimi universitar i të rinjve nga Lugina e Preshevës, ku u diskutuan mundësitë për mbështetje me bursa dhe akomodim për studentët që ndjekin studimet në Maqedoninë e Veriut”, shkroi Sinani, transmeton Klankosova.tv. Më tej, ajo u shpreh se kjo zivitë rikonfirmon vullnetin e përbashkët për bashkëpunim afagjatë dhe përkushtimin për zhvillimin e ndërsjellë të të dy zonave.