Mësimdhënësit e shkollës shqipe në Bavari dhe Austri vizitojnë Muzeun e Vjenës, ndajnë përvojën e bashkëpunimit

Lidhja e Arsimtarëve dhe Prindërve Shqiptarë (LAPSH) në Bavari dhe Shoqata e Mësuesve Shqiptarë ‘’Naim Frasheri’’ në Austri, kanë mbajtur një takim të përbashkët pune me mësimdhënësit në Vjenë. Temë e këtij takimi ishte ‘’Njohja, shkëmbimi i përvojave, ideve dhe bashkëpunimi në mes të mësuesve të gjuhës shqipe në Bavari dhe Austri, si dhe për masivizimin e rritjes së interesimit të numrit të nxënësve, për vijimin e mësimit të gjuhës shqipe në këto dy vende’’, përcjell Klankosova.tv. Mësimdhënësit folën edhe për sfidat që po përballen mësimdhënësit, në përpjekje për ta ngritë vetëdijen e bashkëkombësve për t’i sjellë fëmijët në shkollën shqipe. Kryetarja e SHMSH- së “Naim Frashëri” në Austri, Miradije Berisha e falënderoi LAPSH-in për iniciativën e këtij projekti të nisur, ndërsa kryetari i LAPSH-it në Bavari, Milazim Ukaj foli për punën, suksesin dhe sfidat ku ndër të tjera tha se “LAPSh-i në bashkëpunim me institucionet, konsullatat shqiptare në Munih, bashkëkombës, Këshillat e Prindërve, prindërit, shoqata dhe biznese, të cilët jetojnë dhe veprojnë në Landin e Bavarisë, janë të angazhuar që Mësimi Plotësues i Gjuhës Shqipe të jetë i pranishëm te çdo fëmijë mërgimtarë!’’ Ndërsa, koordinatori i LAPSh-it, z. Mustafë Krasniqi, foli për vështirësitë që po përballen mësimdhënësit, ku ndër të tjera theksoi se ky takim i mësimdhënësve jo vetëm që ka një vlerë të shkëmbimit të përvojave dhe bisedave didaktike, në mes të kolegëve mësimdhënës, por mbi të gjitha është një porosi për prindërit.

Nga ky takim i Vjenës, doli si kërkesë e përbashkët, që me të gjitha institucionet që janë me ndikim, të bashkëpunojnë për unifikimin e diasporës, për shkollën shqipe, njëkohësisht edhe kërkesë prindërve, që t’i dërgojnë fëmijët në shkollën shqipe! Mësimdhënësit, vizituan edhe Muzeun e Vjenës, ku patën rastin të përkulen para përkrenares dhe shpatës së kryeheroit kombëtar Gjergj Kastriotit – Skënderbeu. Ndërsa, moderuesi i programit, Osman Ademi foli për jetën dhe veprën e Gjergj Kastriotit-Skënderbeut, luftën heroike të popullit shqiptar nën udhëheqjen e tij dhe për rrugëtimin e armëve të Skënderbeut deri në Muzeun e Vjenës! Pas vizitës në Muzeum, mësimdhënësit vizituan qendrën e Vjenës, Bibliotekën, Katedralen, Operën dhe bënë një shëtitje te parku i pallatit mbretëror në Schönbrunn. Të pranishëm, në këtë takim ishin edhe ambasadori i Republikës së Shqipërisë në Vjenë, Roland Bimo së bashku me ambasadorin e Republikës së Kosovës, Lulzim Pllana, të cilit pas fjalës përshëndetëse, ata folën për kontributin e mësimdhënësve dhe i përgëzuan për punën dhe angazhimin e tyre, që bëjnë për ndërgjegjësimin e bashkëkombësit, për rëndësinë e shkollës shqipe.

SHKRIMI NGA

Klan Kosova

Editorial nga Klan Kosova — ndjek lajme dhe zhvillimet e tjera kryesore të vendit.

Të gjitha artikujt →Ndiq në newsletter

NË TREND TANI

KËRKIME TË FUNDIT

SHKURTORE

Mësimdhënësit e shkollës shqipe në Bavari dhe Austri vizitojnë Muzeun e Vjenës, ndajnë përvojën e bashkëpunimit

Klan Kosova

Klan Kosova

Vazhdo të lexosh

Putin sulmon NATO-n në paradën e reduktuar të Ditës së Fitores

Hasanpapaj: Iu bashkova Osmanit, sepse Kosovës i duhet politikë që nuk denigron (VIDEO)

Digjet një lokal në Radhimë të Shqipërisë, zjarrfikëset dhe policia në vendin e ngjarjes