Mes lotësh dhe emocioneve, Kim Kardashian fali grabitësit e Parisit

Kim Kardashian ka dhënë dëshmi emocionuese në një gjykatë të Parisit, duke u thënë gjykatësve se ka menduar se do vdiste në duart e personave të armatosur dhe të maskuar, të cilët i vodhën miliona dollarë bizhuteri në një suitë hoteli në vitin 2016. Kardashian e cila ishte e lidhur dhe kishte armën te kaka gjatë vjedhjes, u përball me sulmuesit e saj të dyshuar për herë të parë ndërsa jepte dëshmi në këtë rast, transmeton Klankosova.tv. Nëntë burra dhe një grua ishin në gjyq për vjedhjen e armatosur të bizhuterive me vlerë 10 milionë funte, përfshirë një unazë fejese me diamant nga ish-bashkëshorti i saj Kanye West. Kardashian foli për më shumë se tre orë në gjykatë të martën. Dëshmia e saj u ndërpre nganjëherë me falje nga dy të pandehur. Pasi një nga të pandehurit, Aomar Ait Khedache, 71 vjeç, i ulur disa metra larg Kardashian në sallën e gjyqit shprehu keqardhjen e tij, ajo iu drejtua dhe i tha se e fali. Duke iu referuar aktivizmit të saj në SHBA për të përmirësuar sistemin e drejtësisë dhe ëndrrave të saj për t'u bërë avokate, ajo falënderoi Khedache për letrën e tij të faljes. “E vlerësoj, të fal”, tha ajo ndërsa qante. “Por kjo nuk e ndryshon emocionin, ndjenjat dhe traumën dhe mënyrën se si jeta ime ka ndryshuar”. “Dua të falënderoj të gjithë, veçanërisht autoritetet franceze, që më lejuan të dëshmoj sot dhe të them të vërtetën time”, tha ylli televiziv para gjykatës të martën, e cila ishte e mbushur me media. E veshur me një kostum të zi dhe bizhuteri diamanti, Kardashian u mbështet në sallën e gjyqit nga nëna e saj, Kris Jenner, disa miq dhe një grup truprojash. Ajo ka shprehur falje edhe për njërin prej të pandehurve, i cili i ka kërkuar falje gjatë dëshmisë së saj. Seanca e së martës në gjykatë ishte hera e parë që Kardashian i kishte transmetuar një gjykate penale rrëfimin e saj për vjedhjen e armatosur dhe shtrirjen e frikës së saj gjatë dhe pas sulmit, transmeton Klankosova.tv.