Mërgimtari nga Llapi gjen shtëpinë e vjedhur nga hajnat pasi erdhi për pushime

Shtëpitë e mërgimtarëve që për muaj të tërë mbesin pa përkujdesje, jo rrallëherë janë cak i hajnave. Pushimet që vendosin t'i kalojnë në Kosovë po u kthehen në mundim e trazim, për t'i denoncuar këto raste. Kështu e pësoi edhe një bashatdhetar, i cili posa arriti mbrëmë në fshatin e tij, në Bradash të Podujevës, e gjeti shtëpinë te thyer e të vjedhur. Për redaksinë e Klankosova.tv, ankuesi thotë se i janë vjedhur makinat elektronike, rrobat, enët e gjëra të tjera. “Më është dashur me çu familjen me fjet tjetër kund, nuk kishin lënë asgjë”, u shpreh ai tutje. Ai tha se rastin e kanë raportuar në Policinë e Kosovës, por ende, sipas tij, nuk është ndërmarrë ndonjë veprim. Klankosova.tv ka kërkuar një konfirmim zyrtar, por akoma nuk ka marrë përgjigje.