Me ligjin e ri të ATK-së, do t'i shpallet "luftë" informalitetit (VIDEO)

Punëtorë të padeklaruar nga bizneset, pritet të mos ketë më. Me ligjin e ri të Administratës Tatimore të Kosovës, i cili pritet të hyjë në fuqi nga janari i 2024, operatorët obligohen që të lidhin kontratë me punëmarrësin një ditë para nisjes zyrtare të punës, raporton Klan Kosova. Ligji sjell risi - nga mbyllja e bizneseve e deri te raportimet rigoroze. Përveç kësaj, ligji i cili ka kaluar në Kuvend por akoma nuk i është dorëzuar ATK-së, pritet të ketë gjoba edhe për personat fizikë. Derisa parashihet të rifunksionalizohet edhe bordi i ankesave, brenda administratës. Rregullimin strikt me ligj të politikave tatimore po e mirëpresin edhe ekonomistët. Të gjitha këto ndryshime, sipas ATK-së, janë bërë me qëllim të rritjes së formalitetit dhe eliminimit të  keqpërdorimeve. /Klankosova.tv https://www.youtube.com/watch?v=6CKT8Tpbb9I