Me këtë truk bëni dyshemenë tuaj të shkëlqej

Të gjithë nga ne duam që të kemi dysheme të pastërta dhe me shkëlqim - bile për këtë shpenzojmë goxha para. Por realisht u duhet vetëm një produkt që gjendet lehtësisht në kuzhinën tuaj, transmeton Klan Kosova. Çaji i zi do t’i pastrojë, do t’i bëjë të shkëlqejë, por edhe do ta pengojë zhvillimin e baktereve në dysheme dhe e gjitha është tërësisht natyrale, andaj nuk do të detyroheni të thithni kimikate të dëmshme nga mjetet e ndryshme për pastrim. Përgatitja: Në dy litra ujë të vluar qitni tetë qese çaj të zi dhe lini të qëndrojnë 10 deri në 15 minuta. Shtrydhni tepricën e lëngjeve nga qesja dhe hidhni qeset. Kjo është përzierje për dyshemetë me ngjyrë më të errët, ndërkaq nëse dyshemetë tuaja janë më të shndritshme, qitni më pak qese çaji, nga katër deri në gjashtë qese. Kur të ftohet çaji, njomeni leckën dhe pastroni dyshemenë. Përdorni vetëm çaj të zi për këtë pastrim dhe dyshemetë tuaja do të shkëlqejmë më shumë se kurrë më parë!