Më 18 janar, vendoset nëse gjykimi ndaj Thaçit dhe të tjerëve të fillojë më 1 mars

Më 18 janar të këtij viti do të zhvillohet një konferencë përgatitore ku do të përcaktohet nëse më 1 mars do të nisë gjykimi ndaj Ish-presidentit Hashim Thaçi, ish-kryekuvendarëve Kadri Veseli dhe Jakup Krasniqi, si dhe ish-deputetit Rexhep Selimi. Konferenca përgatitore do të fillojë më 18 janar në orën 09:30, njofton Klan Kosova. Ky njoftim është bërë nga Dhomat e Specializuara të Kosovës në Hagë. Kujtojmë se Thaçi, Veseli, Krasniqi dhe Selimi akuzohen për krime lufte dhe krime kundër njerëzimit. Ata janë arrestuar më 5 nëntor të vitit 2020 dhe që nga atëherë mbahen në paraburgim.

klankosova.tv