MCC përfundon me sukses projektin 49 milionësh, do të investohen 202 milionë të tjerë (VIDEO)

Fond i Korporatës së Sfidave të Mijëvjeçarit e ka ndihmuar Kosovën në shumë fusha. Për pesë vjet ky fond i cili kap vlerën e 49 milionë eurove shkoi kryesisht në projektet e efiçienës së energjisë, punësim dhe shkollim. Nga viti 2017-të e deri më sot thuhet se kanë përfituar 30 mijë kosovarë. Në projektin e efiçiencës janë rinovuar tërësisht mbi 2 mijë shtëpi dhe banesa. Të suksesshëm e konsideroi këtë program edhe kryeshefja ekzekutive e korporatës Alice Albright. “Programi ka ngritur vetëdijen për shfrytëzimin e arsyeshëm të energjisë e po ashtu investimet në shtëpi që luajnë një rol kyç në amvisëri dhe kursim mujor” – tha Albright. E ish-presidentja e Kosovës Atifete Jahjaga, kujtoi se si Kosova në vitin 2015 nuk arriti të përfitojë nga ky fond, për shkak se nuk i përmbushi kushtet. “Ne jemi falënderues ndaj MCC-së dhe Qeverisë amerikane që kanë kuptuar kushtet e veçanta në të cilat ndodhet Kosova, që të jemi të barabartë me shtetet e tjera dhe jemi të vlerësuar” – tha ajo. Në pesë vjetët e ardhshme nga qeveria amerikane në Kosovë do të investohen edhe 202 milionë dollarë. Videon mund ta gjeni KËTU