Ka përfunduar protesta e punonjësve të komunës paralele të Mitrovicës së Veriut.
Lidhur me situatën atje u deklarua edhe policia.
Zëvendësdrejtori për veriun, Veton Elshani, tha se gjendja ishte e qetë.
"Perfekt, kurrë ma mirë s'ka qenë. Protesta ka përfunduar moti", deklaroi Elshani për Klankosova.tv.
Serbët protestuan edhe gjatë ditës së djeshme duke kërkuar lirimin e objekteve.
Më 30 gusht në një aksion të policisë u mbyllën këto pesë institucione.
Ministri i Administrimit të Pushtetit Lokal, Elbert Krasniqi njoftoi atë ditë se komunat paralele të cilat nuk do të operojnë më janë “Qarku i Mitrovicës së Kosovës, Komuna paralele e Mitrovicës, Komuna paralele e Zveçanit, Komuna paralele e Zubin Potokut dhe Komuna paralele e Leposaviqit”, transmeton Klankosova.tv.
https://klankosova.tv/mbyllja-e-institucioneve-paralele-serbet-edhe-sot-ne-proteste/
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.
