Mbyllet çerdhja publike në Fushë Kosovë, gjashtë punonjës infektohen me COVID-19

Komuna e Fushë Kosovës ka mbyllur çerdhen publike "Gëzimi Ynë" për shkak të infektimit me koronavirus të punonjësve. Sipas njoftimit të komunës bëhet e ditur se gjashtë punonjës të këtij institucioni kanë rezultuar pozitivë me COVID-19, njofton Klan Kosova "Sipas rekomandimit të IKSHP-së për shkak të sigurisë së fëmijëve dhe stafit të punëtorëve jemi të detyruar të mbyllim çerdhen nga data 03 dhjetor deri me 20 dhjetor 2020" thuhet në njoftim. Njoftimi i plotë: Njoftojmë prindërit që i kanë fëmijët e tyre në Çerdhen Publike “Gëzimi Ynë” në Fushë-Kosovë se çerdhja do të mbyllet përkohësisht derisa të krijohen rrethana të reja të favorshme pune. Pas testimit të stafit punonjës të IP “Gëzimi Ynë”, gjashtë punëtorë të këtij institucioni kanë rezultuar pozitiv me COVID-19. Sipas rekomandimit të IKSHP-së për shkak të sigurisë së fëmijëve dhe stafit të punëtorëve jemi të detyruar të mbyllim çerdhen nga data 03 dhjetor deri me 20 dhjetor 2020. Për çdo njoftim apo vendim tjetër rreth kësaj çështjeje do të njoftoheni me kohë. Kërkojmë mirëkuptimin tuaj prindër të nderuar.