Mbyllet baras ndeshja mes Holandës e Francës, e para në Euro 2024 që s’u shënua asnjë gol

Është mbyllur me rezultat 0-0 ndeshja në mes Holandës dhe Francës në kuadër të Euro 2024. Dominimi i takoi Francës, por holandezët shënuan në minutën e 69-të takimit me anë të Simons, e që goli u anulua nga VAR-i. Kjo është ndeshja e parë deri më tani në Euro 2024 që mbyllet pa gola, teksa “Gjelat” dhe “Tulipanët” i ndajnë pikët. Me këtë barazim, Holanda gjendet në vendin e parë me katër pikë, aq sa ka edhe Franca që është në të dytin, kurse Austria pozicionohet e treta në grup me tri pikë. Kurse, Polonia është përshëndetur nga Euro 2024 pasi nuk ka arritur të marrë asnjë pikë.