Mbyllen në barazim tri ndeshjet e para të kësaj jave në Serie A

Cagliari dhe Genoa barazuan mbrëmë 1-1, ndeshje kjo e cila e hapi xhiron e 28-të në elitën e futbollit të Italisë. Me të njejtin rezultat përfundoi edhe përballja e parë e ditës së sotme, ndërmjet Comos dhe Venezias, njofton Klankosova.tv. Vendasit e morën avantazhin me anë të Jonathan Ikone, katër minuta me të nisur pjesa e dytë, kurse krejt në minutat shtesë të këtij takimi, Christian Gytkjaer barazoi për mysafirët. Fitues nuk prodhoi as dueli i tjetër, ku në stadiumin "Ennio Tardini", Parma e priti Torinon. Këta të fundit avancuan dy herë gjatë këtij ballafaqimi, por po dy herë, nikoqirët barazuan. Serinë e golave e nisi Eljif Elmas në minutën e 19-të, që në fakt rezultoi të jetë realizimi i vetëm në pjesën e parë. Parma barazoi me Mateo Pellegrino, fiks çerek ore pasi nisi fraksioni i dytë, raporton Klankosova.tv. Në minutën e 72-të, sërish Torino u rikthye te epërsia, kësaj radhe me golashënues Che Adams, por Pellegrino përsëri doli të jetë shpëtimtari, duke barazuar pas dhjetë minutave, për rezultatin përfundimtar 2-2. Lecce - Milan dhe Inter - Monza, e mbyllin ditën e sotme në Serie A! [caption id="attachment_2522860" align="alignnone" width="768"] Kampionati elitar i futbollit italian, Serie A, transmetohet ekskluzivisht në ArtMotion![/caption]