Mblidhen katër komisione parlamentare, shqyrtohet konkursi për një anëtar të KPK-së

Gjatë ditës së sotme, disa nga komisionet parlamentare të Kuvendit të Kosovës do të mbajnë mbledhje me fokus në përcaktimin dhe miratimin e fushëveprimtarisë së tyre për mandatin aktual. Në orën 10:00, Komisioni për Administratë Publike, Digjitalizim, Pushtet Lokal, Media dhe Zhvillim Rajonal do të bëjë hartimin e fushëveprimtarisë së Komisionit, transmeton Klankosova.tv. Po në të njëjtën orë, Komisioni për Arsim, Shkencë dhe Teknologji do të mblidhet për të miratuar fushëveprimin e tij. Ndërkaq, në orën 11:00, Komisioni për Ekonomi, Industri, Ndërmarrësi, Tregti dhe Inovacion pritet të miratojë fushëveprimin e Komisionit. Në orën 13:00, Komisioni i Posaçëm për Administrimin e Procesit të Përzgjedhjes së Anëtarëve Joprokurorë të Këshillit Prokurorial do të shqyrtojë shpalljen e konkursit për zgjedhjen e një anëtari joprokuror të KPK-së.