Lajmet e fundit
Viola Ford Fletcher, 110 vjeç, është e njohur si mbijetuesja më e vjetër e Masakrës së Racës në Tulsa të vitit 1921.
Sot, ajo e shfrytëzoi të drejtën e saj për të votuar për kandidaten presidenciale demokrate, Kamala Harris në një qendër votimi në Tulsa, në një dhomë të quajtur “Greenwood,” emri i lagjes së zezë që u shkatërrua gjatë masakrës, transmeton klankosova.tv.
''Ndjehem mirë që votoj. Është e rëndësishme të votojmë'', tha Fletcher, e cila ishte e shoqëruar nga nipërit e saj.
Përveç saj, Lesie Benningfield Randle, 109 vjeçe dhe një tjetër mbijetuese e masakrës, e cila kishte votuar me postë për Harris, shprehu:
''Nëse ky është votimi im i fundit, jam mirënjohëse që është për Kamala Harris. Kam pesë fëmijë dhe më shumë se 20 nipër e mbesa. Harris ka më shumë mundësi për të ndërtuar kombin që dua t’u lë atyre''.
