Mbi 600 mijë vizitorë në Korçë e Pogradec, 85 % të huaj

Natyra, qetësia dhe trashëgimia e pasur kulturore në Korçë e Pogradec, duket se po tërheq vëmendjen e turistëve. Këtë vit numri i të huajve që vizituan këto vende, është më i madh. Operatorët turistikë në juglindje thonë se afro 85% e vizitorëve janë të huaj, pjesa më e madhe e tyre, të ardhur nga Europa Perëndimore. Rritja e numrit të vizitorëve shprehen ata vjen për shkak të punës së mirë që është kryer me agjencitë e huaja, shkruan A2 CNN, përcjell Klankosova.tv. Përveç këtij bashkëpunimi në zhvillimin e turizmit kanë ndikuar edhe investimet në qytete. Nga të dhënat e operatorëve turistikë rezulton se juglindja e vendit këtë vit është vizituar nga mbi 600 mijë persona.