Mbi 60 mijë tifozë pritet të jenë të pranishëm për ndeshjen Hungari - Kosovë

"Ferenc Puskas Arena" pritet të jetë i mbushur për ndeshjen miqësore Hungari - Kosovë, që do të luhet më 26 mars me fillim nga ora 19:00. Kapaciteti i këtij stadiumi që mban emrin e legjendes hungareze të futbollit është 67 mijë e 215. Sipas mediave atje, biletat për këtë ndeshje pothuajse janë shitur, kështu që mbi 60 mijë tifozë pritet ta shohin ndeshjen nga afër, transmeton Klankosova.tv Kjo do të jetë ndeshja e dytë miqësore për ”Dardanët” gjatë muajit mars. Të premten, skuadra e drejtuar nga Franco Foda, fitoi ndaj Armenisë, me rezultat 1:0.