Mbi 500 të vdekur nga koronavirusi në Turqi

Turqia dje konfirmoi se 76 njerëz të tjerë vdiqën nga koronavirusi gjatë 24 orëve të fundit, duke e çuar numrin e vdekjeve në 501. Numri i përgjithshëm i rasteve të konfirmuara të koronavirusit u rrit në 23.934 pasi 3,013 më shumë njerëz u testuan pozitivë për virusin brenda një dite, sipas të dhënave Ministri i Shëndetësisë Fahrettin Koca, transmeton Klan Kosova Deri më tani, gjithsej 786 pacientë janë shëruar dhe janë larguar nga spitalet, ndërsa 1.311 pacientë aktualisht janë nën njësi të kujdesit intensiv, tha Koca. Shkalla e rikuperimit tregoi një rritje të konsiderueshme. Po ashtu, të Shtunën janë kryer 19.664 testime dhe numri i testeve të përgjithshme të kryera deri më tani ka arritur në 161.380. Pas përhapjes në Kinë për herë të parë në dhjetor COVID-19, sëmundja e shkaktuar nga koronavirusi, është përhapur në të paktën 181 shtete dhe rajone në të gjithë botën, me epiqendrën e tij duke kaluar në Evropë. Pandemia ka vrarë më shumë se 62.300 njerëz, dhe ka infektuar mbi 1.1 milion, ndërsa më shumë se 237.400 njerëz u shëruan nga sëmundja, sipas shifrave të mbledhura nga Universiteti Johns Hopkins me qendër në SHBA.