Investimet direkte në Kosovë deri në fund të muajit gusht 2023 shënuan vlerën prej 514 milionë eurove, thuhet në raportin e Bankës Qendrore të Kosovës (BQK) mbi bilancin e pagesave për muajin gusht 2023, duke shtuar se investimet jashtë vendit shënuan vlerën e mbi 145 milionë eurove.
Sipas raportit, investimet në letra me vlerë jashtë Kosovës janë rritur për 322 milionë euro. Derisa investimet në depozita, kredi dhe në kredi tregtare brenda vendit ishin 152 milionë euro, kurse jashtë Kosovës ishin 24 milionë euro, raporton Klankosova.tv.
Për sa i përket aseteve në llogaritë financiare, deri në gusht 2023 kanë arritur në 652.3 milionë euro.
Dërgesat nga mërgata deri në gusht 2023 janë rritur për 93.6 milionë euro ose 11.7 për qind më shumë, krahasuar me periudhën e njëjtë të vitit 2022.
Të ardhurat parësore deri në gusht 2023 kanë shënuar bilanc pozitiv prej 71.5 milionë euro.
Në fund, bilanci i pagesave deri në gusht 2023 u karakterizua me një deficit të llogarisë rrjedhëse në vlerë prej 220.2 milionë euro, i cili tregon një përmirësim prej 41 për qind krahasuar me periudhën e njëjtë të vitit të kaluar. /Klankosova.tv
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
