Mbi 40 persona humbin jetën në një aksident me autobus në Afrikën e Jugut

Të paktën 42 persona kanë humbur jetën në një aksident me autobus në një rrugë të pjerrët malore në Afrikën e Jugut. Shtatë fëmijë ishin midis viktimave, ndërsa 49 persona të tjerë u plagosën, shkruan Skynews, transmeton Klankosova.tv. Aksidenti ndodhi pranë qytetit Louis Trichardt, në provincën veriore të Limpopo-s, gati 250 milje në veri të kryeqytetit, Pretoria. Autobusi po shkonte për në Zimbabve dhe ndodhej në një rrugë të njohur si N1, kur doli nga një argjinaturë rreth orës 6 të pasdites të dielën. Shkaku i rrëzimit nuk dihet ende!