Mbi 28 milionë njerëz janë vaksinuar kundër COVID-19 në Turqi

Turqia ka administruar mbi 28 milionë doza të vaksinës COVID-19 që nga fillimi i fushatës së vaksinimit masiv që nisi më 14 janar. Që nga e hëna, më shumë se 16.05 milionë njerëz kanë marrë dozat e tyre të para, ndërsa mbi 12 milionë janë vaksinuar plotësisht, tha Ministria e Shëndetësisë në Turqi. Ministria konfirmoi gjithashtu 7 mijë e 523 raste të reja me koronavirus, shkruan Anadolu, transmeton Klankosova.tv Numri i përgjithshëm i të infektuarve me COVID-19 në Turqi ka arritur në mbi 5.19 milionë ndërsa numri i të vdekurve arriti në 46 mijë e 446 me 178 viktima e 24 orëve të fundit. Gjatë 24 orëve të fundit nga ky virus janë shëruar 10 mijë e tre pacientë teksa numri i përgjithshëm të rikuperuave ka arritur në mbi 5.03 milionë.