Mbi 20 mijë gra me ngjyrë mungojnë në industrinë e IT-së

Mbi 20 mijë gra me ngjyrë i mungojnë industrisë profesionale të IT-së. Sipas hulumtimit nga BCS, Instituti Chartered për IT dhe Coding Black Females, zbuloi se ato përbëjnë vetëm 1.8% të fuqisë punëtore në Mbretërinë e Bashkuar dhe vetëm 0.7% të profesionistëve të IT-së, shkruan The Independent, transmeton Klankosova.tv Një sondazh i grave me ngjyrë në industri i kryer si pjesë e studimit gjithashtu zbuloi se 67% e të pyeturve thanë se mendonin se përballeshin me më shumë pengesa për hyrjen në sektor se të tjerët dhe 21% thanë se besojnë se politikat aktuale të diversitetit dhe përfshirjes janë duke pasur një efekt negativ në aftësinë e tyre për të përparuar. Teksa, shefja ekzekutive e Coding Black Females, Charlen Hunter, duke iu referuar hulumtimit me BCS thotë se njerëzit e suksesshëm nuk pengohen pavarësisht dallimeve. “Gratë e suksesshme me ngjyrë dhe gratë në përgjithësi që punojnë në teknologji janë shpesh aty ku janë pavarësisht kulturës mbizotëruese dhe fleksibilitetit të kufizuar në opsionet e tyre të punës dhe mungesës së kulturës gjithëpërfshirëse të punës”, tha ajo. Ndërsa, gratë me ngjyrë e shohin përparimin e tyre të bllokuar nga çështje të tilla si mungesa e mundësive fleksibël të punës dhe mbështetjes për zhvillimin e karrierës.