Mbi 124 milionë doza të vaksinës COVID-19 të administruara në Turqi

Sipas shifrave zyrtare, Turqia që kur nisi aksionin e imunizimit këtë janar, ka administruar mbi 124 milionë doza të vaksinës së koronavirusit. Ministria e Shëndetësisë e vendit njoftoi se mbi 56.6 milionë njerëz kanë marrë dozën e parë të vaksinës, ndërsa mbi 51.2 milionë janë vaksinuar plotësisht me të dyja dozat e nevojshme, shkruan Anadolu, transmeton Klankosova.tv. Turqia po ashtu ka dhënë doza të treta përforcuese për mbi 14.7 milionë njerëz. Ministria turke po ashtu konfirmoi 18 mijë e 762 infeksione të reja me COVID-19, 176 vdekje, si dhe 24 mijë e 497 pacientë që fituan betejën kundër virusit.