Mbahet tryeza "Figura e Skenderbeut në Letërsinë Shqipe"

Në kuadër të Seminarit për Gjuhë dhe Letërsi Shqipe, sot është mbajtur tryeza me temën “Figura e Skenderbeut në Letërsinë Shqipe”. Me ketë rast u vlerësua lart vepra e Skenderbeut si luftëtarë si dhe përfaqësimi që i bëri kulturës shqiptare. Profesori Sali Bashota ka deklaruar se në veprat e Gegajt dhe të Plasarit, shfaqet më së miri madhështia e Skenderbeut. Sipas tij këto dy vepra janë të rëndësishme ngase dëshmojnë se Skenderbeu është pikë referuese jo vetëm si luftëtar, por edhe si përfaqësues i denjë i kulturës dhe kombit. E profesori Osman Gashi ka thënë se janë rreth 400 vepra që shtjellojnë figurën e Skënderbeut. Ai theksoi se në këto vepra heroi kombëtar është vlerësuar si strateg i luftës gjithashtu edhe si njeri që ruajti traditat dhe gjuhën shqipe. Këtu përfshihet letërsia franceze, angleze dhe napolitane.