Lajmet e fundit
Shoqata e Mamive të Kosovës në bashkëpunim me Rrjetin e Grupit të Grave ka organizuar tryezën me temën " Mbyllja e materniteteve në Kosovë, shkaktaret dhe mundësia e tejkalimit të kësaj situate dhe rifunksionalizimi i tyre"
Në këtë tryezë u tha se janë 14 maternitete që funksionojnë në vend, njofton Klan Kosova.
Magbule Elezi, kryetare e kësaj shoqate u shpreh se gjendja e tyre nuk është shumë e mirë dhe disa nga to funksionojnë e disa jo.
Edona Hajrullahu zëvendësavokate e Popullit tha se janë aty për t`u ndihmuar të gjitha ato gra e femra që u shkelen të drejtat.
Në këtë konferencë u kërkua që në Qendrat kryesore të Mjekësisë Familjare të ketë gjinekolog pasiqë janë të nevojshëm në secilën prej tyre.
Zëvendësministri i Shëndetësisë, Granit Abdullahu tha se kjo ministri do të ofrojë përrkrahje që maternitetet të jenë funksionale.
" Nuk jemi për mbyllje të materniteteve dhe do jemi në përkrahjen e juaj " shtoi ai.
Ndërsa, kryetarja e komisionit parlamentar për Shëndetësi, Besa Baftiu theksoi se të gjitha qeveritë thonë se shëndetësia është prioritet dhe tash po shihet sesi është gjendja me këtë çështje për mbylljen e materniteteve.
Sipas saj, në komunën e Dardanës dhe Vitisë nuk funksionojnë fare maternitetet, njofton Klan Kosova.
