“Mata meriton më shumë”

Jamie Carragher beson se ylli i Manchester Unuited, Juan Mata, është njëri ndër organizatorët e lojës më të mirë në Premier Ligë, njofton Goal, përcjellë Klan Kosova. Por, sipas Carragher, Mata nuk po vlerësohet ashtu siç e meriton. “Mendoj se ai është njëri nga lojtarët më të nënvlerësuar në ligë”, tha për Sky Sport ish-lojtari i Liverpool-it. “Mendoj se arsyeja përse ai nuk po merr meritat që i takojnë është se ai ishte Lojtari më i Mirë i Chelseas dy vitet e para, pastaj Jose Mourinho erdhi dhe e hoqi qafe”. “Pastaj të gjithë mendojnë se Mou nuk mund të jetë gabim – por është gabim nganjëherë”. “Është koha që ta shohim Mata-n si njërin nga lojtarët më të mirë në Premier Ligë, ashtu siç ai është”.

klankosova.tv