Lajmet e fundit
Në qoftë se deri më tani keni ruajtur gjithmonë në frigorifer ose jashtë tij, një vazo me mjaltë për të shoqëruar qumëshitn e mëngjesit apo çajin e pasdites, tashmë ka ardhur koha që ta përdorni këtë produkt edhe në kujdesin personal.
Ai përmban shumë minerale, vitamina, aminoacide dhe acide organike që ju ndihmojnë të trajtojni probleme të ndryshme të lëkurës, flokëve dhe jo vetëm, shkruan Living.al.
Më poshtë gjeni tri maska me mjaltë që duhet të provoni sa më parë:
Maskë për zbardhjen e lëkurës dhe eleminimin e qeskave të zeza poshtë syve
Shtrydhni një gjysmë kokërr limon dhe bashkojeni me 1 lugë gjelle mjaltë dhe 1 lugë çaji kos. Pasi masa të jetë bërë homogjene aplikojeni në fytyrë për 20 minuta dhe në fund lani fytyrën me ujë të ftohtë.
Kjo maskë duhet përdorur 1-2 herë në javë.
Scrub natyral për eleminimin e qelizave të vdekura
Mënyra më e mirë për të pastruar lëkurën nga qelizat e vdekura dhe papastërtitë e tjera është të përdorni scrub. Për të përgatitur një scrub natyral me mjaltë ju nevojiten:1 lugë gjelle mjaltë organik dhe një lugë gjelle me tërshërë të imët.
Pasi t’i keni përzier të dy produktet bashkë, aplikojini me lëvizje e masazhe rrethore në fytyrën e njomur me ujë për 5-10 minuta.
Lani fytyrën me ujë të vakët pa përdorur kurrfarë solucioni larës dhe në fund aplikoni kremin hidratues.
Maskë ushqyese për flokët e thatë
Kjo maskë u rekomandohet të gjitha atyre që sapo janë kthyer nga pushimet. Ekspozimi në diell, uji i kripur dhe mungesa e lyerjes bëjnë që flokët tuaj të duken më të thatë dhe të pajetë.
Për t’u rikthyer shkëlqimin dhe butësinë e dikurshme provoni maskën e mëposhtme:bashkoni dy të kuqe vezësh dhe një lugë gjelle mjaltë organik.
Pasi të jenë tretur të dy produktet aplikojini mbi flokë dhe mbajini në kokë për dy orë dhe më pas lajini me ujë të ngrohtë.
