Lajmet e fundit
Flokë të gjata dhe të bukura janë dëshira e secilës grua.
Por kjo nuk është një gjë e lehtë për tu arritur, sepse kërkon shumë kohë, durim dhe mund për ta arritur.
Në fakt, rritja e flokëve varet nga shumë faktorë. Disa prej tyre janë shëndeti i përgjitshëm, mënyra e jetesës si dhe pa dyshim faktorët gjenetikë.
Ju mund ta ndihmoni rritjen e flokëve nëse ndiqni një stil të shëndetshëm jetese, një dietë të balancuar dhe pa dyshim me kujdes të duhur të flokëve.
Më poshtë po ju sjellim një recetë natyrale e cila do të rrisë flokët tuaja shumë shpejt dhe madje do të bëjë që ato të jenë të shëndetshme dhe të shkëlqejnë, transmeton Klan Kosova.
Kjo maskë është e përshtatshme për çdo lloj të flokëve, si të drejta, kaçurrela, të valëzuara, si dhe për flokët e dëmtuara dhe të dobëta.
Për më tepër kjo maskë është shumë e thjeshtë për tu përgatitur dhe nuk ju merr shumë kohë. Madje, edhe përbërësit e maskës jemi të sigurt që të gjithë i keni tashmë në shtëpi.
Përbërësit:
Dy lugë gjelle vaj kastori
1 të verdhë veze
1 lugë gjelle mjaltë
Si ta përgatisni këtë maskë?
Përzieni të gjithë përbërësit bashkë. Masazhoni rrënjët e flokëve me këtë përzierje dhe pjesën e mbetur vendoseni në flokë. Mbulojeni kokën me kapele dushi ose qese plastike dhe lëreni të qëndrojë ashtu për 2-4 orë.
Më pas, shpëlajeni maskën dhe lani flokët me shamponin ose balsamin e zakonshëm.
Për më shumë, shikojeni videon më poshtë. Përsëriteni këtë procedurë 1-2 herë në javë për dy muaj.
