Maska natyrale shtëpiake për flokë

Flokët janë zbukurim i çdo femre. Pa dallim të ngjyrës, gjatësisë, volumit ose formës, flokët janë pjesë e pazëvendësueshme e bukurisë femërore.

Nuk ka femër e cila nuk dëshiron flokë të bukura të ndritshme, të cilat do të tërheqin vëmendjen, njëjtë si në reklama. Por, me qëllim që të arrijnë këtë efekt, femrat shpesh dëmtojnë flokun. Tharësja e flokëve e përdorur jashtë mase, presa si dhe produktet tjera kozmetike, jo vetëm që bëjnë që flokët të duken të thara por e bëjnë atë pa jetë, të egër dhe pa shkëlqim.

Përveç përdorimit të shamponit dhe regjeneratorit, si pjesë e mirëmbajtjes së flokëve, duhet të praktikoni edhe: zbatimin e këshillave të flokëve prej faktorëve negativ si nxehtësia dhe kimikale e forta, shkurtimi i rregullt dhe ,,ushqyerjen” e flokëve. Flokët mund t’i ushqeni në dy mënyra: të brendshme përmes ushqimit të cilin e konsumoni brenda ditës dhe të jashtme, përmes maskave për flokë.

Maskat janë mënyrë e shpëjtë dhe efikase për ta potencuar bukurinë e flokëve tuaja. Prandaj maskat shtëpiake për flokë, janë më të mirat për shkak se janë natyrale dhe janë të lira. Më poshtë i keni disa maska të cilat i revitalizojnë flokët dhe ju japin shkëlqim dhe fortësi.

PËR FLOKË TË THATA DHE TË DËMTUARA

Maskë hyjnore nga mjalti dhe qumështi

• 1 banane e pjekur


• 5-6 pika vaj bajameje


• ½ gotë qumësht


• 1 lugë mjaltë

Shtypeni bananen dhe në të shtoni vajin e bajameve. Ngroheni pak qumështin, aq sa të mund të tretet mjalti në të. Qumështin me mjaltë përzieni me bananen e shtypur. Vendoseni maskën e përgatitur në flokë. Fillimisht bëni masazh rrënjët, pastaj pjesën tjetër të flokëve. Lëreni që të reagoj 20-30 minuta. Në fund lani flokët me shampon.

Maskë revitalizuese me avokado dhe majonez

• 1 avokado


• ½ gotë majonez


• 2 lugë vaj ulliri


• 2 lugë mjaltë

Shtypeni avokadon, pastaj shtojeni majonezin, vajin dhe mjaltin dhe përzijeni deri sa të fitoni një përbërje homogjene. Vendoseni maskën në flokë dhe bëni masazh 2 minuta. Pastaj vendosni kapelë najloni dhe lëreni që të reagojë 20 minuta. Shpërlajeni më ujë të vakët dhe shampon nga kamomila.

PËR FLOKË TË YNDYRSHME

Maskë e tharët për flokë të shndritshme

• 1/3 gotë uthull molle


• 1 lugë mjaltë


• 10 pika vaj lavande


• lëngu i një limoni

Përzieni produktet e lartë përmendura deri sa të tretet mjalti. I lagni flokët dhe i fshini me peshqir, pastaj vendoseni maskën në rrënjë të flokëve, dhe shpërndajeni teposhtë. Lëreni të veprojë 20 minuta pastaj lani flokët me shampon.

Maskë prej mollëve për zbutjen e flokëve

• 1 mollë e grimcuar imët


• 2 lugë uthull molle


• 2 lugë lëng limoni

Në mollën e grimcuar shtojeni uthullën dhe lëngun e limonit dhe përzieni. Vendoseni përbërjen në rrënjë të flokëve dhe bëni masazh disa minuta pastaj lëreni të veprojë 30 minuta. Ne fund lani flokët me ujë të vakët dhe me shampon.

Këshillë: Është e rekomanduar që majonezi dhe avokado të përdoren për flokë të thata deri te ato normale ndërsa uthulla e mollës, glina dhe vezët për flokë të yndyrshme.