Martohet për herë të tretë aktorja amerikane, Anna Faris, kësaj radhe me një kinematograf

Aktorja amerikane, Anna Faris, është martuar me kinematografin Michael Barrett, në shtetin e Uashingtonit. Por Faris nuk ndau shumë detaje rreth dasmës. Ajo filloi të dilte me kinematografin Barrett në vjeshtën e vitit 2017 pasi kishte punuar në filmin e saj "Overboard". Të dy u panë për herë të parë së bashku atë shtator, një muaj pasi Faris dhe ish-burri i saj, Chris Pratt, njoftuan ndarjen e tyre pas tetë vjetësh martesë, përcjell KlanKosova.tv Faris dhe Pratt, i cili që nga ajo kohë është i martuar me Katherine Schwarzenegger e me të cilën mirëpriti një vajzë vitin e kaluar, kanë një djalë së bashku. Edhe aktorja ishte e martuar më parë, me aktorin Ben Indra nga 2004 deri në 2008. Faris në maj i tha PEOPLE se ajo dhe Barrett "kishin një lloj intimiteti të menjëhershëm". "Ne të dy jemi ndoshta introvertë në një mënyrë shumë të ngjashme. Dhe ai ka dy fëmijë dhe kjo ka qenë e jashtëzakonshme. Kam mësuar shumë për veten time përmes fëmijëve të tij. Ka qenë vërtet shpërblyese", ka thënë aktorja. Fejesa e çiftit u konfirmua janarin e kaluar.