Lajmet e fundit
Trajneri i Belgjikës, Roberto Martinez ka hedhur poshtë spekulimet që e lidhin atë me postin e trajnerit te Barcelona.
Martinez shihet si një zëvendësues i mundshëm i Ronald Koeman.
Ronald Koeman ka pasur një fillim zhgënjyes me blaugranët, dhe raportimet rreth të ardhmes së tij, janë rritur sidomos pas barazimit në “Camp Nou”, në ndeshjen e fundit.
Sidoqoftë, spanjolli i cili është në krye të kombëtares belge që nga viti 2016, ka thënë se nuk ka asgjë të vërtetë rreth këtyre spekulimeve, shkruan Eurosport, transmeton Klankosova.tv.
"Siç mund ta imagjinoni nuk ka asgjë, asgjë për të komentuar për mua", tha ai për Eurosport.
"Kur humbni tre ndeshje spekulimet janë se ju do të humbni punën tuaj. Kur gjërat po shkojnë mirë, ju po bëni rezultate të mira, thashethemet do të jenë gjithmonë atje, por nuk është asgjë për mua që të komentoj në këtë pikë".
Barca aktualisht është e teta në La Liga me dy fitore dhe dy barazime nga katër ndeshjet e tyre të para dhe tashmë e gjejnë veten gjashtë pikë prapa liderëve dhe kampionëve në fuqi Atletico Madrid - megjithëse me dy ndeshje më pak të zhvilluara.
Martinez e udhëhoqi Belgjikën në gjysmëfinale të Kupës së Botës 2018 në Rusi, por në Euro2020 arriti vetëm në deri në çerekfinale.
Në nivelin e klubeve, Martinez ka qenë trajner vetëm në Angli, duke marrë drejtimin në Swansea, Wigan dhe Everton.
