Martial lavdërohet edhe nga Henry

Thierry Henry ishte njëri nga të shumtët që ka komentuar debutimin fenomenal, dhe golin e mrekullueshëm, të Anthony Martial për Manchester United. Francezi i ri Martial shënoi një gol të mahnitshëm në fitoren 3 -1 të United kundër Liverpool-it, shkruan Manchester Evening News, përcjellë Klan Kosova. Legjenda e Arsenalit, Henry, me të cilin krahasohet shumë i riu Martial, e ka përshëndetur golin e tinejxherit më shtrenjtë në botën e futbollit. “Ai ishte aq i komponuar. Unë e quaj ‘ngrirje portieri’, dhe më pas e futi lehtësisht topin në gol”. “Më pëlqeu shumë finishi, ishte i mrekullueshëm. Çfarë mënyrë e mahnitshme për ta prezantuar veten”. Martial hyri në lojë në minutën e 65 të ndeshjes, duke e zëvendësuar Juan Matan. Atij iu deshën më pak se 20 minuta për të hapur llogarinë e tij në Manchester Shoku i tij i skuadrës, Daley Blind, duke komentuar golin e Martial tha: “Jam shumë I lumtur për të. Ai është i ri dhe ky gol do ta ndihmojë shumë.

klankosova.tv